ខ្មែរ 
English |
រូបចម្លាក់ឈើម៉ៃសាក់របស់ Virgin Mary ពីប្រទេសខ្មែរ។ មជ្ឈមណ្ឌល Mount Carmel ខ្មែរ។ |
គ្រិស្តសាសនា ជាពិសេសកាតូលិក បានមកដល់ប្រទេសកម្ពុជា ដោយអ្នកផ្សាយសាសនាជាតិប្រេស៊ីល ក្នុងកណ្ដាលទសវត្សក្នុងឆ្នាំ១៥០០ ប៉ុន្តែខ្មែរតិចណាស់បានចូលក្នុងសតវត្សបន្ទាប់មក។ ក្នុងឆ្នាំ១៩៧៥ មានខ្មែរចំនួន៥០០០នាក់ជាអ្នកកាន់កាតូលិកក្នុងប្រទេសខ្មែរ(តិចជាង១%នៃចំនួនប្រជាជនទាំងអស់) និងបព្វជិតជាតិខ្មែរចំនួន១០នាក់ (អ្នកទាំងអស់នោះបានគេសម្លាប់ក្នុងសម័យខ្មែរក្រហម)។ មូលហេតុមួយដែលខ្មែរមិនដូរសាសនាទៅសាសនាគ្រិស្ដពីព្រោះអត្តសញ្ញាណជាតិ កុលសម្ព័ន្ធ និងសាសនាមិនបានគិតថាជាប្រភេទផ្សេងទេ ប៉ុន្តែវាទាំងអស់បានបញ្ជាក់ក្នុងពាក្យខ្មែរមួយគឺ សាស្ត្រ។ នៅប្រទេសខ្មែរមុនឆ្នាំ១៩៧៥ បើមានអ្នកណាម្នាក់ដូរសាសនាពីសាសនាព្រះពុទ្ធ អ្នកនោះនឹងត្រូវគិតថាជាខ្មែរ ឬជាផ្នែកសង្គមទៀតទេ។[i] នេះជាការពិតថែមទៀតចំពោះប្រជាជននៅជនបទ ដែលការប្រតិបត្តិសាសនាព្រះពុទ្ធ និងវត្តអារាម គឺបានរួមបញ្ចូលក្នុងជីវិតរាល់ថ្ងៃ រួចទៅហើយ។
មានខ្មែរនៅឡងប៊ិចភាគច្រើនជាងនេះបានក្លាយជាអ្នកកាន់សាសនាគ្រិស្តផ្នែកប្រូតិះស្តង់ ព្រោះមូលហេតុផ្សេងៗដូចជាខាងផ្លូវអារម្មណ៍និងមូលហេតុដ៏ទៃទៀតមួយផ្នែក ដូចជាការពិសោធន៍ជាជនភៀសខ្លួន។ អង្គការមនុស្សធម៌ និងសប្បុរសជនជាច្រើនដែលយកជំនួយមកឲ្យជនភៀសខ្លួននៅតាមព្រំដែនថៃគឺកាន់សាសនាគ្រិស្ដ។ មួយចំនួនធំនៃបុគ្គលនិងសមាគមដែលធានាខ្មែរមកសហរដ្ឋក៏កាន់សាសនាគ្រិស្ដផងដែរ។ នៅឡងប៊ិច មានព្រះវិហារជាច្រើនដែលមានមុខងារជាសាសនា សង្គមកិច្ច និងកន្លែងរៀនសូត្រសំរាប់ខ្មែរ។ ក្រុមមនុស្សដែលផ្ដុំប្រជុំ បានរៀបចំជួយខ្មែរ រកកន្លែងនៅ រួមទាំងម្ហូបអាហារ និងការរកពេទ្យ រកយានជំនិះ សាលារៀនភាសាអង់គ្លេស និងការងារ។ ក្មេងខ្មែរជាច្រើនបានទាក់ទាញទៅរកព្រះវិហារជាកន្លែងរៀនអង់គ្លេសនិងរកមិត្តភ័ក្ដ្រអាមេរិកាំង។ ក្នុងរបៀបនេះ ព្រះវិហារគ្រីស្ទាន បានជួយជាទំនាក់ទំនងយ៉ាងសំខាន់ទៅនឹងវប្បធម៌អាមេរិកាំង។
វគ្គនេះ ផ្ដល់នូវព័ត៌មាន នៃការប្រជុំព្រះវិហារមួយចំនួនតូចរបស់ខ្មែរ នៅឡងប៊ិច។ ព្រះវិហារដែលបានរៀបរាប់ នៅទីនេះគឺជាព្រះវិហារដំបូង ដែលបានបង្កើតនៅឡងប៊ិច។ យើងនឹងដាក់ប្រវត្តផ្សេងៗទៀតនៅពេលក្រោយ។ការឲ្យយោបល់សំរាប់អត្ថបទអានបន្ថែមមានជូននៅចុងវគ្គនិមួយៗ។ យើងខ្ញុំអញ្ជើញអ្នកទាំងអស់គ្នាដែលចង់បរិច្ចាគឯកសារ សៀវភៅ វីដេអូ ឬរូបថតមកដល់ប័ណ្ណសារ ឬបណ្ដាញទំព័រខែមឆែភនៅសង្គមប្រវត្តិសាស្ត្រទីក្រុងឡងប៊ិច តាមទូរស័ព្ទ ៥៦២-៤២៤-២២២០ ឬសារអេឡិចត្រូនិក
|
[i] Ponchaud, Francois (1990) The Cathedral of the Rice Paddy: 450 Years of History of the Church in Cambodia. Paris: Espace Cambodge.
អត្ថបទអានបន្ថែម
Douglas, Tom (2004) Crossing the Lotus: Race, Religion and Rationality among Cambodian Immigrants in Long Beach and Seattle.
Kong, Chhean ((2003) On Buddhism and Psychotherapy. IN Not Just Victims: Conversations with Cambodian Community Leaders in the United States. Sucheng Chan, Editor. Chicago: University of Illinois Press.
Mortland, Carol (1994) Khmer Buddhists in the United States: Ultimate Questions. IN Cambodian Culture since 1975: Homeland and Exile. May Ebihara, Carol Mortland, and Judy Ledgerwood, Editors. Ithaca, NY: Cornell University Press.
Ong, Aiwa (2003) Buddha is Hiding: Refugees, Citizenship, The New America. Berkeley: University of California Press.
Ponchaud, Francois (1990) The Cathedral of the Rice Paddy: 450 Years of History of the Church in Cambodia. Paris: Espace Cambodge.